المديرية العامة لأمن نظم المعلومات التابعة لإدارة الدفاع الوطني صدرات بلاغ قبل قليل بتاريخ ( 27 أكتوبر 2026 ) كتصنف فيه الخطر المرتبط بهاد الثغرات فمنتجات Apple بأنه خطر
والمشكل ماشي ثغرة وحدة ولكن مجموعة كبيرة ديال الثغرات اللي كتمس أجهزة وأنظمة Apple من بينها iPhone وiPad وMac وApple Watch ومتصفح Safari
دابا نفهمو شنو كتعني هاد الثغرات بالدارجة حيث البلاغ اكيشير لمخاطر متعددة منها سرقة أو كشف معلومات حساسة وتنفيذ أوامر عن بعد و تعطيل الجهاز أو بعض الخدمات و تجاوز الحماية والحصول على صلاحيات أكبر يعني يقدر شي واحد يخترق iPhone ديالك بلا ما تحس والنقطة الأخطر فهاد البلاغ هي الإشارة إلى الثغرة CVE-2026-86950 المرتبطة CoreGraphics بمعنى بسيط وبعيدا على هادشي ديال المصطلحات التقنية المهاجم يقدر يستهدف شخص معين بملف خبيث معد بطريقة خاصة ويستغل الخلل باش يحاول ينفذ تعليمات داخل الجهاز والخطر كيكون إلى ما تصلحش هادشي فالجهاز ديال هو يقدرو يتجسسو على المعطيات ولا استهداف الحسابات والخصوصية أو تعطيل التطبيقات أو النظام
دابا أنا كمواطن أشنو خاصني ندير
المديرية العامة كتعطي حلول عملية باش تقدر تحمي نفسك والمعطيات ديالك
دخل إلى Réglages / Settings
سير إلى Général → Mise à jour logicielle.
ثبت اخر تحديث متاح ومتوافق مع الجهاز ديالك وتأكد أن التحديث تفعل فعلا
إلا كنتي كتستعمل Mac دير تحديث للنظام من Réglages Système → Général → Mise à jour de logiciels
واخر نصيحة من عندي تجنب تفتح الملفات والمرفقات المشبوهة.. ولا بغيتي تفتح شي حاجة ما فيها باس ترسل للملف ولا الرابط المشبوه لهاد الموقع لي نخلي لكم فخانة التعاليق باش الواحد يحمي نفسو ويتأكد قبل ما يفتح اي حاجة فالجهاز ديالو